Астон Вила го отпушти Џерард
- Премиерлигашот Астон Вила го разреши од должноста тренерот Стивен Џерард поради незадоволителни резултати.
![Астон Вила го отпушти Џерард](https://mia.mk/index.php/images/20221114011614_big_730x400_28.webp )
Бирмингем, 21 октомври 2022 (МИА) – Премиерлигашот Астон Вила го разреши од должноста тренерот Стивен Џерард поради незадоволителни резултати.
-Му благодариме на Стивен на неговиот труд и залагање, и му посакуваме сè најдобро во иднина, соопшти клубот од Бирмингем, откако му врачи отказ на својот досегашен тренер по вчерашниот пораз од Фулам.
Џерард седна на клупата на Астон Вила минатиот ноември кога дојде од Глазгов Ренџерс и потпиша договор на три и пол години.
Астон Вила во моментов е на 17. место во Премиер лигата со девет бодови од 11 натпревари. ег/паг/