Апел од ТАВ: Од 9 октомври патниците да пристигнуваат на шалтерите три часа пред летот
- ТАВ апелира до патниците од 9 октомври да пристигнуваат на шалтерите три часа пред летот, бидејќи авиокомпанијата ќе врши надградба на системот за багаж.
![Апел од ТАВ: Од 9 октомври патниците да пристигнуваат на шалтерите три часа пред летот](https://mia.mk/index.php/images/20231006105619_big_730x400_58.webp )
Скопје, 6 октомври 2023 (МИА) -ТАВ апелира до патниците од 9 октомври да пристигнуваат на шалтерите три часа пред летот, бидејќи авиокомпанијата ќе врши надградба на системот за багаж.
- Почнувајќи од 9-ти октомври (понеделник), до крајот на ноември 2023 година, односно во период од два месеци, на Меѓународниот Аеродром Скопје ќе се врши надградба на системот за ракување со багаж. Затоа, апелираме до сите вас коишто ќе патувате во наведениот временски период преку Меѓународниот Аеродром Скопје, да пристигнувате на аеродромот, односно на шалтерите за пријавување патници и багаж, три часа пред планираното време на полетување на вашиот лет, апелираат од компанијата. ир/са/
Фото: ТАВ