Американец тужи лотарија, по грешка ги објавиле неговите броеви за добивка од 340 милиони долари
- Вработениот одговорен за исплати ми рече дека мојот лоз е неважечки и дека можам само да го фрлам в канта, изјави Чикс.
![Американец тужи лотарија, по грешка ги објавиле неговите броеви за добивка од 340 милиони долари](https://mia.mk/index.php/images/20240220091054_big_730x400_57.webp )
Вашингтон, 20 февруари 2024 (МИА) - Американец кој мислел дека освоил „џекпот“ од 340 милиони долари, ја тужи лотаријата „Пауербол“ во САД, којашто по грешка ги објавила неговите броеви.
Џон Чикс од главниот град Вашингтон тврди дека бил „зачуден“ кога видел дека победничките броеви за јануари 2023 година се совпаѓаат со оние од неговиот лоз. Но, кога го однел ливчето до Канцеларијата за лотарија и игри, неговото побарување било одбиено.
- Вработениот одговорен за исплати ми рече дека мојот лоз е неважечки и дека можам само да го фрлам в канта, изјави Чикс за Би-би-си.
Забуната настанала поради „техничка грешка“, според надлежните. Имено, дента кога лозот е купен во тек биле тестови на интернет-страницата на „Пауербол“, па таму „случајно“ била објавена низата „тест-броеви“ коишто се совпаѓале со оние на Чикс.
Меѓутоа, „несреќниот добитник“ го задржал лозот и најмил адвокат. Сега тој ја тужи лотаријата и бара отштета од 340 милиони долари - токму онолку колку што верувал дека добил по лажното известување. си/ссм/
Фото: МИА архива