Активни неколку пожари предизвикани од гром
- Центарот за управување со кризи информира за неколку пожари вечерва предизвикани од гром.
![Активни неколку пожари предизвикани од гром](https://mia.mk/index.php/images/20221113184408_big_730x400_76.webp )
Скопје, 24 јули 2022 (МИА) - Центарот за управување со кризи информира за неколку пожари вечерва предизвикани од гром.
Во кумановско кај Кока гори сува трева, а кај селото Проевце кај Ловечки дом гори борова шума. Пожарите се предизвикани од удар на гром.
Во кичевското село Туин гори сува трева и нискостеблеста шума.
Помеѓу селата Голозинци и Лисиче во општина Чашка, кај Велес, гори сува трева и нискостеблеста шума.
- Екипите се излезени на терен и интервенираат во нивното гаснење. И овој пожар е предизвикан од удар од гром, наведуваат од ЦУК. вг/