Takim i ministres Janevska me Marjan Gjurovskin, kryetar i Bordit për akreditim të arsimit të lartë
- Për gjendjen në arsimin e lartë, angazhimet për ndërkombëtarizimin e sistemit të arsimit të lartë maqedonas dhe nevojën për digjitalizimin e procesit të akreditimit të institucioneve të arsimit të lartë, sot biseduan Ministrja e Arsimit dhe Shkencës, Prof. Dr. Vesna Janevska dhe kryetari i Bordit për Akreditim të Arsimit të Lartë, prof. Dr. Marjan Gjurovski.
- Post By Fami Bajrami
- 13:45, 16 korrik, 2024
![Takim i ministres Janevska me Marjan Gjurovskin, kryetar i Bordit për akreditim të arsimit të lartë](https://mia.mk/images/20240716134507_big_730x400_33.webp )
16 korrik 2024
Për gjendjen në arsimin e lartë, angazhimet për ndërkombëtarizimin e sistemit të arsimit të lartë maqedonas dhe nevojën për digjitalizimin e procesit të akreditimit të institucioneve të arsimit të lartë, sot biseduan ministrja e Arsimit dhe Shkencës, Prof. Dr. Vesna Janevska dhe kryetari i Bordit për Akreditim të Arsimit të Lartë, prof. Dr. Marjan Gjurovski.
Në takim u potencua se është i domosdoshëm përforcimi i standardeve dhe kapaciteteve të institucioneve të arsimit të lartë me theks të veçantë të programeve studimore dhe produktin të cilin ato e krijojnë – studentë të diplomuar për nevojat e shoqërisë dhe komunitetin e biznesit. Janevska dhe Gjurovski u pajtuan se duhet të ndërtohen mekanizma për mbështetjen e zhvillimit të arsimit të lartë në vend nga komuniteti i biznesit.
Gjithashtu, në takim u prezantua raporti gjashtëmujor për punën e Bordit për Akreditimin e Arsimit të Lartë për periudhën janar - qershor 2024, ndërsa u theksua se në të ardhmen do të intensifikohet bashkëpunimi me institucionet e BE-së për cilësi dhe akreditimin e arsimit të lartë.
Ministria e Arsimit dhe Shkencës
____________________________________________________________________________________________________________________
MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.