Të paktën 12 të vdekur dhe 43 të plagosur në sulmin rus në një hipermarket në Harkov
- Të paktën 12 persona kanë humbur jetën, ndërsa 43 janë plagosur në sulmin e djeshëm rus në një hipermarket për materiale ndërtimore në qytetin ukrainas Harkov, bëri të ditur Prokuroria në Ukrainë.
- Post By Ajrije Rexhepi
- 12:26, 26 maj, 2024
![Të paktën 12 të vdekur dhe 43 të plagosur në sulmin rus në një hipermarket në Harkov](https://mia.mk/images/20240526122611_big_730x400_84.webp )
Harkov, 26 maj 2024 (MIA) - Të paktën 12 persona kanë humbur jetën, ndërsa 43 janë plagosur në sulmin e djeshëm rus në një hipermarket për materiale ndërtimore në qytetin ukrainas Harkov, bëri të ditur Prokuroria në Ukrainë.
Dy bomba ruse dje pasdite e qëlluan hipermarketin për materiale ndërtimore "Epicentar", deklaroi guvernatori rajonal Oleg Sinegubov në televizionin kombëtar.
Goditjet kanë shkaktuar zjarr, me tym të dendur qindra metra në ajër.
Sipas prokurorisë lokale, trupat e dhjetë prej 12 viktimave ende nuk janë identifikuar.
Kryebashkiaku i Harkovit, Igor Teherov, deklaroi se për momentin në sulmin rus në hipermarket ka pasur rreth 12 persona.
"Sulmi ishte drejtuar kundër një qendre tregtare ku kishte shumë njerëz - kjo është e qartë terrorizëm", tha Teherovi.
Ministri i Punëve të Brendshme i Ukrainës Igor Jlimenko në Telegram ka shkruar se 16 persona ende konsiderohen të zhdukur pas sulmit të djeshëm në Harkov.
Foto: EPA