Reformisti Masud Pezeshkijan fitoi në zgjedhjet presidenciale në Iran
- Kandidati reformator Masud Pezeshkian ka fituar në zgjedhjet presidenciale në Iran, pasi e mposhti në raundin e dytë të votimit Said Xhalili, deklaroi zëdhënësi i autoritetit zgjedhor mbrëmë në televizionin shtetëror.
Teheran, 6 korrik 2024 (MIA) – Kandidati reformator Masud Pezeshkijan ka fituar në zgjedhjet presidenciale në Iran, pasi e mposhti në raundin e dytë të votimit Said Xhalili, deklaroi zëdhënësi i autoritetit zgjedhor mbrëmë në televizionin shtetëror.
Siç transmeton DPA, Pezeshkijan ka fituar 53,7 për qind të votave, ndërsa kundërshtari i tij konservator ka marrë 44,3 për qind.
Rreth 61 milionë njerëz kishin të drejtë të votonin për një pasardhës të presidentit Ebrahim Raisi, i cili vdiq në një aksident me helikopter në maj.
Në raundin e dytë të zgjedhjeve të zhvilluara dje, u ndeshën Pezeshkijan dhe Xhalili, pasi asnjëri nga kandidatët nuk mori shumicën absolute në raundin e parë të 28 qershorit.
Qendrat e votimit duhej të mbylleshin në orën 18:00, por siç pritej, autoritetet i lejuan ato të mbaheshin të hapura më vonë në shumë vende. Megjithatë, pjesëmarrja në votime ishte vetëm rreth 49.8 përqind sipas autoritetit zgjedhor. ls/
Foto: EPA