Shujtë apo meze perfekte e lehtë verore, këto qofte janë të shijshme, aromatike dhe përplot me përbërës të freskët. Shërbejini të ngrohta me salcë kosi ose si pjatë shoqëruese me pjatën kryesore.

Përbërësit (për 4 persona):
2 kungulleshka të grira
1 qepë e kuqe e grirë
2 qepë të njoma, të grira imët
1 degëz mente, e grirë imët
2 vezë
100 gram djathë i fortë i grirë ose kaçkavall
100 gram grimca buke ose 2 lugë miell me pluhur pjekjeje
2 lugë gjelle vaj ulliri
1 degëz majdanoz i freskët, i grirë imët
Kripë dhe piper i zi sipas shijes
Vaj për skuqje

Mënyra e përgatitjes:

Vendosni kungulleshkat e grira në një enë të madhe, shtoni pak kripë dhe lërini të qëndrojnë për 15-20 minuta. Pastaj kullojini mirë nga lëngu i tepërt. Shtoni qepën e kuqe të grirë, qepët e njoma, menten, majdanozin dhe djathin e grirë. Rrihni vezët dhe shtojini në përzierje. Shtoni grimcat e bukës ose miellin (nëse është e nevojshme për të përftuar përzierje më të dendur), së bashku me vajin e ullirit.

Shtoni kripë dhe piper sipas dëshirës dhe përziejini mirë të gjitha.

Ngrohni vajin në një tigan dhe formoni qofte të vogla me lugë. Skuqini ato në zjarr mesatar nga të dyja anët derisa të marrin ngjyrë të artë (afërsisht 2-3 minuta për secilën anë). Vendosini ato në letër kuzhine për të thithur vajin e tepërt.

Këshilla:

Sipas dëshirës, shtoni një thelb hudhër për një shije më të fortë.

Në vend që t’i skuqni, mund t’i piqni në furrë në 200°C për rreth 20 minuta, duke i kthyer në gjysmën e pjekjes.

Më së miri shërbehen me kos të ftohtë apo tarator.

Jubëftë mirë!

Foto: Frepik