Sallata e ftohtë me makarona është pjatë e lehtë dhe freskuese. Përgatitet thjesht, ndërkaq kombinimi i perimeve të freskëta, djathit dhe salcës aromatike i jep një shije të pasur dhe të ekuilibruar.

Përbërësit:

300 gram makarona (Fusilli)

150 gram domate shery

1 kastravec i freskët

2 vezë të ziera 

100 gram djathë

100 gram mish i tharë

pak spinaq i freskët

30 gram djathë parmixhano

Për salcën:

4 lugë gjelle vaj ulliri

1 lugë çaji bimë të thata

piper i zi i sapobluar sipas dëshirës

lëng gjysmë limoni

Metoda e përgatitjes:

Zieni makaronat në ujë të vluar me kripë sipas udhëzimeve në paketim. Kullojini makaronat e ziera dhe lërini të ftohen nën ujë të ftohtë të rrjedhshëm. Vendosni makaronat e ftohta në një pjatë të thellë sallate. Shtoni domatet shery, kastravecin e prerë në katror, vezët e ziera të prera në feta, copat e mishit të thata, gjethet e spinaqit të vogël, djathin e prerë në katror dhe djathin parmixhano të grirë. Për salcën, përzieni vajin e ullirit, erëzat me perime të thata, piperin e zi të sapobluar dhe lëngun e limonit të shtrydhur. Përzieni mirë salcën dhe hidheni mbi përbërësit e sallatës. Përzieni butësisht sallatën për të kombinuar të gjithë përbërësit.

Shërbejeni menjëherë ose vendoseni në frigorifer derisa të jetë gati për t'u servirur.

Foto: Freepik