Kjo është një pjatë e thjeshtë dhe ushqyese e gatuar në shtëpi, e përgatitur me spinaq të freskët, oriz dhe vezë. Kombinimi i perimeve dhe orizit e bën një vakt të lehtë por të ngopshëm, ndërkaq vezët i shtojnë shije dhe vlera ushqyese shtesë. Receta është ideale për drekë familjare dhe mund të përshtatet lehtësisht si një opsion agjërimi. 

Përbërësit:

1 kg spinaq

2 presh

100 gram oriz

1 lugë çaji kripë

piper sipas shijes

250 ml ujë

4 vezë

pak vaj

Përgatitja:

Pastroni spinaqin, lajeni mirë dhe priteni. Vendoseni në një kullesë për të kulluar ujin e tepërt. Grini imët preshin dhe skuqeni në pak vaj derisa të zbutet. Shtoni spinaqin, mbulojeni dhe lëreni të ziejë ngadalë në zjarr të ngadaltë derisa vëllimi i tij të zvogëlohet. Pastaj shtoni orizin e larë, kripën dhe piperin, përzieni mirë dhe lëreni të ziejë ngadalë edhe një minutë tjetër. Hidhni ujin, niveloni përzierjen dhe vendoseni tavën në furrë të parangrohur në 220°C pa kapak. Piqeni derisa uji të avullojë plotësisht. Nxirreni tavën nga furra, thyeni 4 vezët sipër dhe kthejeni në furrë. Fikeni furrën - vezët do të gatuhen nga nxehtësia e mbetur. 

Foto: Freepik