Shkup, 20 shkurt 2025 (MIA) – Ministri i Shëndetësisë, Arben Taravari sot pas vizitës në spitalin në Prilep deklaroi se pritet leje nga Ministria e Financave për rregullimin e statusit të punëtorëve me kontrata në spitalet në shtet. 

“Do të rregullohet statusi i kontratave në nivel shtetëror. Bëhet fjalë për1.180 kontrata dhe pritet miratimi nga Ministria e Financave, shpresoj do të nënshkruhet sa më shpejtë që është e mundur, nga Ministria e Shëndetësisë tashmë është nënshkruar. Garantoj, jo vetëm që do t'u vazhdohet kontrata, por do të marrin edhe vendime. Ne këtë e paralajmëruam, ndërsa më 30 dhjetor e kaluam edhe në Qeveri, Shëndetësi dhe Financa. Por në sistematizimet e reja, për shkak të specializantëve privatë që janë 300 në gjysmën e parë të këtij viti dhe 300 të tjerë në gjysmën e dytë të 2025, na duhej një sistemim i ri dhe drejtorët tani do të shpallin konkurse, do të pranojnë punëtorët me kontratë, por jo domosdoshmërisht njëqind për qind të punëtorëve me kontratë. Unë kam informacione se disa nga ata punëtorë me kontratë nuk janë kompetentë dhe nuk punojnë si duhet. Kështu që drejtori ka të drejtë ekskluzive që pas konkursit të vendosë se çfarë do të shpallet”, tha Taravari.

Ministri, duke u përgjigjur në pyetjen e gazetarëve lidhur me sistematizimin e neurologut Ivan Barbov në një repart tjetër, tha se punohet për  organizime të brendshme të cilat janë të zakonshme në çdo klinikë. 

“Dr. Barbov është një mjek i mrekullueshëm që ka punuar në disa reparte. Ai nuk ka qenë gjithmonë në atë repart, ne kemi punuar në reparte të ndryshme. Ka qenë drejtor i klinikës për 4-5 vjet, tani do të jetë në një repart ku trajtohen të sëmurët me Parkinson, deri tani ka punuar për sëmundjet neuromuskulare, nuk është diçka spektakolare. Më ka ndodhur edhe mua, të gjithë jemi ndërruar nëpër reparte të shumta, nuk jemi fiksuar në një repart të caktuar. Dhe në çdo repart ku punon, ai mund të trajtojë më shumë pacientë. Bëhet fjalë për organizime të brendshme që janë normale në çdo klinikë”, u përgjigj Taravari.

Një pjesë e mediave para disa ditëve njoftuan se dr. Babov pas punës disa dekadëshe në Departamentin për Pacientë me Sëmundje të Rralla, ishte shkarkuar nga ana e drejtorit të Klinikës së Neurologjisë, Fatmir Mexhiti dhe ishte sistemuar në Departamentin për Sëmundje të Parkinsonit, me të cilin gjatë 20 viteve të kaluara, nuk ka pasur lidhje. Barbov ka refuzuar ta pranojë vendimin për sistematizim, ndërsa ndërkohë Neurologjia doli me reagim. 

“Ndryshimet kadrovike në udhëheqësinë e e repartit të sëmundjeve neuromuskulare janë bërë për të përmirësuar punën dhe organizimin e repartit, udhëheqësi i ri ka njohuri dhe përvojë të dëshmuar në këtë fushë, ndërsa deklaratat e prof.dr. Ivan Barbov janë paushalle”, thuhet në reagimin e udhëheqësisë së ISHP Klinikës Universitare të Neurologjisë. fc/

Fotografia: Arkivi i MIA-s