Barcelona, ​​2 janar 2025 (MIA) - Nuk kanë fund problemet për Dani Olmon, për të cilat ai nuk është aspak fajtor. Ai ende nuk është regjistruar për paraqitje në Barcelonë dhe kjo sjell problem shtesë. Duke qenë se nuk është i regjistruar për paraqitje në klub, Olmo nuk mund të luajë as për reprezentacionin spanjoll.

Edhe pse në kontratë ka një klauzolë sipas së cilës nga 1 janari ai mund të largohet nga Barcelona nëse nuk regjistrohet për paraqitje në klub, Olmo megjithatë është ende në "Kamp Nou". Ai sillet sikur “situata është normale”, vjen në stërvitje dhe pret... Sepse kjo është e vetmja gjë që mund të bëjë. Menaxheri i tij deklaroi se Olmo nuk po shqyrton mundësinë e përdorimit të klauzolës në kontratë dhe të largohet nga klubi.

Mirëpo, për shkak të problemeve që ka Barcelona, ​​tashmë ka probleme edhe kombëtarja spanjolle.

"Për sa kohë Olmo nuk ka licencën që u jepet lojtarëve të regjistruar, nuk mund të thirret në kombëtare. Prandaj deri në fund të janarit ai duhet të gjejë një klub që do ta regjistronte deri në fund të sezonit ose Barcelona të gjejë një mënyrë për ta regjistruar sa më shpejt të jetë e mundur. Derisa të ndodhë një nga këto dy gjëra, Olmo nuk mund të luajë për Spanjën", thekson "Mundo Deportivo".

I vetmi fat në këtë situatë është se reprezentacionet nuk kanë angazhime dhe ndeshje para shkurtit.

Foto: arkivi