Gazë, 29 maj 2024 (MIA) - Misioni i Organizatës botërore të shëndetësisë arriti në veri të Gazës për herë të parë pas më shumë se dy javëve, deklaroi sot shefi i OBSH-së, Tedros Adanom Gebrejesus.

Misioni dërgoi derivate, shtretër spitalorë, ilaçe dhe materiale tjera mjekësore në spitalin Al-Ahli, publikoi Tedros në "X".

Ai tha se rezervat janë të mjaftueshme për nevojat e 1.500 njerëzve, por insistoi në atë se nevojitet shumë më tepër.

"Spitali Al-Ahli shërben dyfish më shumë se numri i njerëzve për të cilët është dedikuar, pa materiale themelore kirurgjike dhe paga për personelin. Asnjë operacion për shpëtim nuk mund të bëhet në orët e mbrëmjes për shkak të mungesës së kuadros së specializuar", tha Tedros.

Ai shtoi se OBSH po tenton aty të vendos ekip për ndihmë urgjente mjekësore. bsh/

Foto: MIA arkiv