Shkup, 16 gusht 2024 (MIA) - Nëse keni gjyqtarë të korruptuar të cilët janë në organin më të lartë ndërsa ajo është Gjykata Supreme, atëherë mund të imagjinoni se ç'farë ndodh më poshtë. Hetimi konfirmoi se nuk është vetëm gjyqtari suprem, por Marrëveshja me prokurorinë ekziston edhe te Ixhet Memeti, kryetar i Këshillit të Prokurorëve Publikë dhe prandaj besimi është dy për qind. Përderisa nuk shpërndahen këta njerëz, nuk do të kemi shtet juridik, deklaroi kryeministri Hristijan Mickoski, duke u përgjigjur në pyetjen e gazetarëve nëse është i kënaqur nga dënimet e shqiptuara të Ixhet Memetit dhe Naqe Georgievit pas marrëveshjes me Prokurorinë.

Mickoski theksoi se është i kënaqur që në Qeverinë teknike MPB ka realizuar aksion, i cili tregoi se kemi gjykata të korruptuara në organin më të lartë - Gjykatën Supreme.

"Së pari dua të shpreh kënaqësinë që në qeverinë teknike Ministria e Punëve të Brendshme bëri një veprim perfekt kur tregoi për herë të parë në veprim se kemi gjyqtarë të korruptuar në organin më të lartë, pra në Gjykatën Supreme dhe nëse keni gjyqtarë të korruptuar që janë në organin më të lartë, dhe kjo është Gjykata Supreme, atëherë mund ta imagjinoni se çfarë po ndodh më poshtë. Më tej, hetimi ka vërtetuar se nuk ka qenë vetëm gjyqtari suprem, por edhe personi për të cilin ka marrëveshje edhe me Prokurorinë, e ai është Ixhet Memeti si kryetar i Këshillit të Prokurorëve Publikë. Lidhja mes sistemit gjyqësor dhe prokurorial në vendin tonë është e qartë. Prandaj besimi është dy për qind, sepse disa fletore nga e kaluara janë zëvendësuar me fletore të tjera, vetëm këto janë nga Strumica, nga "Bihaqka" dhe nga Reçica. Përderisa kemi fletore dhe përderisa këta persona nuk shpërbëhen, nuk do të kemi shtet juridik", tha Mickoski sot pas vizitës në Klinikën Universitare për Kirurgji Digjestive në Shkup.

Gjykata Themelore Publike për Ndjekjen e Krimit të Organizuar dhe Korrupsionit ka lidhur Propozim-marrëveshje me gjyqtarin e dyshuar në Gjykatën Supreme, Naqe Georgiev, për të cilin ekzistonte dyshimi se ka kryer vepër penale marrje të shpërblimit për ndikim kundërligjor. Georgiev ka pranuar të dënohet me tre vjet burg dhe ndalim të ushtrimit të profesionit.

Paraprakisht edhe anëtari i Këshillit të Prokurorëve Publikë Ixhet Memeti ka lidhur marrëveshje me Prokurorinë. E ka pranuar se ka marrë shpërblim për ndikim kundërligjor, në rastin në të cilin i dyshuari i parë është gjyqtari suprem Naqe Georgiev. Pas marrëveshjes Memeti është dënuar me dënim me kusht dhe mori ndalesë të ushtrimit të veprimtarisë në afat prej tre vitesh.

Të dyshuar për marrjen e shpërblimit për ndikim të paligjshëm, Memetit i kanoset dënim me burg nga një deri në pesë vjet, ndërsa Georgievit nga një deri në dhjetë vjet. sa/

Foto: Arkivi i MIA-s