MBPEU: Publikohet thirrja publike përmes programit për zhvillim rural gjatë furnizimit të kombajnëve
- Ministria e Bujqësisë, Pylltaris dhe Ekonomisë së Ujërave i informon bujqit se Agjencia për Mbështetje Financiare në Bujqësi dhe Zhvillim Rural, shpalli thirrje publike për dorëzimin e kërkesave për shfrytëzimin e mjeteve nga Programi për Mbështetjen Financiare të Zhvillimit Rural për vitin 2023, për masën 121 Investime për modernizimin e ekonomive bujqësore, gjegjësisht nënmasën 121.12 Furnizim të kombajnëve për grurë.
- Post By Qefsere Abduli
- 15:02, 1 dhjetor, 2023
Shkup, 1 dhjetor 2023 (MIA) - Ministria e Bujqësisë, Pylltaris dhe Ekonomisë së Ujërave i informon bujqit se Agjencia për Mbështetje Financiare në Bujqësi dhe Zhvillim Rural, shpalli thirrje publike për dorëzimin e kërkesave për shfrytëzimin e mjeteve nga Programi për Mbështetjen Financiare të Zhvillimit Rural për vitin 2023, për masën 121 Investime për modernizimin e ekonomive bujqësore, gjegjësisht nënmasën 121.12 Furnizim të kombajnëve për grurë.
Si përdorues paraqiten ekonomitë bujqësore të regjistruara në Regjistrin e Vetëm të Ekonomive Bujqësore në MBPEU, sipas Ligjit për Bujqësi dhe Zhvillim Rural, dhe posedojnë minimum 10 hektarë tokë bujqësore të punueshme me grurë, elb, thekër, triticale dhe/ose tërshërë, thuhet në kumtesë.
Siç njoftuan nga MBPEU, vlera maksimale e shumës së bashkëfinancimit për shfrytëzues është tre milionë denarë. Mjetet financiare janë të destinuara për investime në furnizimin e kombajnëve, të cilat ndahen për periudhën e realizimit të planit afarist dhe paguhen në bazë vjetore.
Afati i fundit për paraqitjen e kërkesave është deri më 30 dhjetor të vitit 2023. Bujqit e interesuar kërkesat e tyre i dorëzojnë në mënyrë elektronike pas regjistrimit në e-baranje.ipardpa.gov.mk.
Ministria e Bujqësisë, Pylltarisë dhe Ekonomisë së Ujërave u bën thirrje bujqve që të njihen me kushtet e thirrjes publike dhe të aplikojnë në kohë, duke përfituar nga mundësia për mbështetje, duke modernizuar prodhimin e tyre bujqësor. qa/
Foto: MBPEU