Liverpul, 17 maj 2024 (MIA) - Zhoel Matip dhe Tiago Alkantara do të largohen nga Liverpuli në fund të sezonit aktual, zyrtarisht njoftuan nga klubi nga "Enfild".

Marrëveshja e mbrojtësit qendror 32-vjeçar skadon këtë verë dhe klubi nuk do t'i ofrojë kontratë të re. Matipi në dhjetor e lëndoi rëndë gjurin, për çka e humbi pjesën tjetër të sezonit. Kjo nënkupton se ndeshja e tij e fundit me ekipin ishte fitorja me rezultatin 4:3 ndaj Fullamit. Për tetë sezone në klub, ai luajti 201 ndeshje, shënoi 11 gola dhe fitoi shtatë trofe, duke përfshirë edhe ato në Ligën e Kampionëve dhe Premier Ligë.

"Kalova tetë vite të shkëlqyera në Liverpul. Më ishte lejuar të jem pjesë e historisë emocionuese me menaxher dhe ekip të mrekullueshëm, në klub të jashtëzakonshëm. Fituam trofe të mëdha dhe i kemi tifozët më të mirë në botë. Jam i përmbushur me mirënjohje për kohën e shkëlqyer, të cilën mund ta përjetoj me këta njerëz të veçantë, të cilët e mbështesin klubin dhe tifozët të cilët e duan Liverpulin. Unë dhe bashkëshortja ime jemi ndjerë të mirëseardhur dhe të mbështetur nga dita e parë dhe bashkë me fëmijët kaluam më së miri me ju. Gjithmonë do të ruajmë kujtime të veçanta", deklaroi Matip për ueb-faqen.

Tiago Alkantara, kaloi katër sezone në Liverpul. Ai erdhi në shtator 2020 nga Bajern i Mynihut, por pasi e mundonin lëndimet e vazhdueshme, veçanërisht në dy sezonet e fundit, luajti vetëm 98 ndeshje, duke shënuar gjashtë gola. Spanjolli e fitoi kupën FA dhe Komjuniti Shild me "të kuqtë". Kontrata e tij, gjithashtu, skadon dhe nuk do të rinovohet. fc/

Fotografia: Arkivi