Athinë, 29 nëntor 2024 (MIA) – Memorandum për bashkëpunim për Pishinën e Prespës, por edhe për formimin e Grupit Evropian për Bashkëpunim Territorial në Rajonin Ndërkufitar të Prespës mes komunave Resnjë, Prespë, Pustec dhe Devoll do të nënshkruajnë në fshatin Rëmb, Greqi katër kryetarët e komunave, ndërsa qëllimi i komunave nga të tre vendet është që të angazhohen për vizion të përbashkët për zhvillim të qëndrueshëm, mbrojtje të mjedisit jetësor dhe ruajtjen e trashëgimisë kulturore në rajonin konkret, informon korrespondentja e MIA-s nga Athina. 

Nikoqir i ceremonisë së caktuar paradite është komuna Prespë, ndërsa përveç kryetarëve të katër komunave, do të marrë pjesë edhe ambasadori i Bashkimit Evropian në Maqedoninë e Veriut, Mihalis Rokas. 

Nisma, siç informuan nga komuna Prespë, “ka për qëllim ta bëjë Pishinën e Prespës, e cila me parkun Prespa u bë zona e parë ndërkufitare e mbrojtur në Ballkan, model i bashkëpunimit ndërkufitar inovativ dhe zhvillim i qëndrueshëm rajonal për rajonin më të gjerë”. 

“Memorandumi e vendos bazën për forcimin e bashkëpunimit në fusha të tilla si zhvillimi i qëndrueshëm, mbrojtja e mjedisit dhe ruajtja e biodiversitetit dhe trashëgimisë kulturore në rajonin e Prespës. Qëllimet përfshijnë përmirësimin e cilësisë së jetës së banorëve përmes përmirësimit të shërbimeve komunale dhe publike, menaxhimit kolektiv të burimeve natyrore dhe kulturore dhe përballjes me pasojat e krizës klimatike. Gjithashtu, Grupi Evropian për Bashkëpunim Territorial synon të promovojë rajonin si destinacion turistik bazuar në pasurinë unike natyrore dhe kulturore”, njoftoi komuna e Prespës në prag të nënshkrimit të Memorandumit.

Gjithashtu, sqaruan se Grupet evropiane për bashkëpunim territorial janë organizata ndërshtetërore të bazuara në të drejtën e Bashkimit Evropian të cilat e lehtësojnë bashkëpunimin mes rajoneve, komunave dhe organeve publike nga vende të ndryshme anëtare dhe vende kandidate. 

Nga delegacioni i BE-së informuan se mbështetja e Bashkimit Evropian për qasje të integruara dhe kooperuese për zhvillim të qëndrueshëm rajonal në kuadër të Pishinës së Prespës është në përputhje me rregulloret 1082/2006 dhe 1302/2013 të Këshillit të BE-së, por edhe se rajoni i Prespës tashmë është shfrytëzues i programit financiar “BE-ja për Prespën” në vlerë prej 21,5 milionë euro, prej të cilave 18 milionë euro, gjegjësisht 84 për qind janë siguruar nga Unioni. 

Gjithashtu, tashmë po zbatohen katër grante të ndara për organizatat lokale civile dhe dy marrëveshje për kontribut të nënshkruara me UNDP.  

Gjithashtu, financimi nga BE-ja në vlerë prej 7,7 milionë euro është i kapshëm në kuadër të programit për bashkëpunim ndërkufitar ndërmjet Greqisë dhe Maqedonisë së Veriut për hapjen e serishme të vendkalimit kufitar Markova Noga – German. 

Pas nënshkrimit të Memorandumit është paraparë vizitë në vendin ku nga ana greke do të ndërtohet pikërisht ky vendkalim kufitar. 

Kryetari i komunës Prespë, Georgios Stergiu të hënën theksoi se marrëveshja mes katër komunave “jo vetëm që e reflekton ambicien kolektive për rajonin e Prespës, por e thekson përkushtimin tonë për aktivitete praktike të cilat do t’i përmirësojnë jetët e qytetarëve tanë”

“Grupi evropian për bashkëpunim territorial Prespë do të na mundësojë që në mënyrë efikase të bashkëpunojmë që ta mbrojmë trashëgiminë tonë të përbashkët dhe të krijojmë mundësi të reja për prosperitet të të gjitha tre anëve të kufirit”, theksoi Stergiu. fc/

Fotografia: Komuna e Prespës