Erdogan: Turqia nuk do ta miratojë bashkëpunimin e NATO-s me Izraelin
- Presidenti i Turqisë Rexhep Taip Erdogan deklaroi se nuk do të jetë e mundur që NATO ta vazhdojë partneritetin me autoritetet izraelite, njoftuan mediat britanike.
- Post By Qefsere Abduli
- 08:46, 12 korrik, 2024
Ankara, 12 korrik 2024 (MIA) - Presidenti i Turqisë Rexhep Taip Erdogan deklaroi se nuk do të jetë e mundur që NATO ta vazhdojë partneritetin me autoritetet izraelite, njoftuan mediat britanike.
"Deri të vendoset një paqe gjithëpërfshirëse dhe e qëndrueshme në Palestinë, përpjekjet për të bashkëpunuar me Izraelin në kuadër të NATO-s nuk do të miratohen nga Turqia", tha Erdogani gjatë konferencës së samitit të aleancës në Uashington.
Ai shtoi se vendi i tij do të vazhdojë me përpjekjet diplomatike për t'i dhënë fund luftës ruso-ukrainase.
Gjithashtu, Erdogani tha se i propozoi ministrit të Punëve të Jashtme, Hakan Fidan të takohet me presidentin sirian Bashar al Asad për të filluar me rivendosjen e marrëdhënieve me republikën arabe.
Duke komentuar shitjen e mundshme të aeroplanëve luftarakë F-16 në Turqi, Erdogan tha se kishte folur me homologun e tij amerikan Xho Bajden i cili i tha se do ta zgjidhte çështjen "brenda tre deri në katër javë". qa/
Foto: arkivi i MIA-s