Athinë, 12 korrik 2024 (MIA) - Çështja e Qipros dhe prioritetet e Greqisë si anëtare jo e përhershme e Këshillit të Sigurimit në periudhën 2025-2026, ishin temat që diskutuan kryeministri grek Kirjakos Micotakis dhe sekretari i përgjithshëm i KB-së, Antonio Guteresh gjatë takimit me selinë e KB-së në Nju-Jork, njoftoi korrespondentja e MIA-s nga Athina.

Siç informojnë nga zyra e kryeministrit grek, Micotakis ka shprehur respekt për përpjekjet e Sekretarit të Përgjithshëm dhe përfaqësueses së tij personale Maria Angela Holgin për rifillimin e bisedimeve për çështjen e Qipros.

"Kirjakos Micotakis nënvizoi se fakti që Qiproja mbetet e ndarë 50 vjet pas tragjedisë së vitit 1974 është një situatë e papranueshme dhe theksoi se duhet të përdoret çdo mundësi për zgjidhjen e çështjes së Qipros bazuar në vendimet e Këshillit të Sigurimit të KB-së", informuan nga zyra e Micotakis.

Plotësisht, me Gutereshin diskutuan pozicionin e Greqisë si një anëtare jo e përhershme e Këshillit të Sigurimit (2025-2026), Micotakis e informoi atë për prioritetet greke dhe theksoi se "Greqia dëshiron të jetë një urë midis jugut dhe veriut, perëndimit dhe lindjes, sepse është vend-anëtar i BE-së, i NATO-s dhe në të njëjtën kohë bisedon me vendet e jugut global”. sa/

Foto: Kabineti i kryeministrit grek