Moskë, 23 mars 2024 (MIA) - Dy nga përgjegjësit e dyshuar për sulmin e mbrëmshëm vdekjeprurës në periferi të Moskës janë arrestuar në rajonin Bërjansk pas ndjekjes me automjete, shkroi sot në profilin e vet në Telegram, deputeti rus, Aleksandar Hinshtajn.

"Të dyshuarit e tjerë kanë ikur në këmbë në pyllin e afërt", shtoi Hinshtajn.

Sulmues me veshje të maskuara mbrëmë hapën zjarr nga armë automatike në sallën e koncerteve në njëp paralagje të Moskës. Në sulm, për të cilin përgjegjësinë e mori grupi terrorist Shteti islamik (ISIS), jetën e humbën së paku 60 njerëz, ndërsa 145 u lënduan.

Hinmshtajn gjithashtu tha se gjatë ndjekjes është hapur zjarr dhe automjeti i të dyshuarve është përmbysur.

"Njëri terrorist është arrestuar në vend ngjarje, ndërsa të tjerët ikën në pyll. Si rezultat i bastisjes rreth orës 03:50 është gjetur dhe arrestuar i dyshuari i dytë. GJurmimi për të tjerët vazhdon. Janë përfshirë të gjitha organet e ndjekjes në operacion", shtoi Hinshtajn.

Gjatë kontrollit të automobilit "Reno", është gjetur pistoletë "Makarov", karikues për pushkë automatike "Kallashnikov" dhe pasaporta të shtetasve të Taxhikistanit, transmetojnë mediumet ruse. ab/