Вашингтон, 6 февруари 2026 (МИА) - Стотици луѓе вчера протестираа пред зградата на „Вашингтон пост“ во Вашингтон против масовните отпуштања новинари во традиционалниот американски весник.

„Демократијата умира во темнина. А ти, Џеф Безос, го изгаси светлото“, пишуваше на еден од протестните транспаренти, насочени кон основачот на „Амазон“ и сопственик на изданието.

Во средата „Вашингтон пост“ објави масовно намалување на персоналот. „Ен-би-си њуз“ објави дека речиси една третина од персоналот на весникот ќе биде отпуштен. „Њујорк тајмс“ го објави бројот на засегнати лица на приближно 300.

Според медиумите, повеќето странски дописници на весникот ќе бидат отпуштени. Дописничката од Украина, Лизи Џонсон, е меѓу засегнатите. Известувањето од Блискиот Исток исто така ќе биде сериозно ограничено - изјави член на персоналот, кој зборуваше под услов да остане анонимен. Исто така, ќе има значителни намалувања и во одделите за локални вести, спорт и книги на весникот.

Според отпуштената истражувачка новинарка Мариса Џеј Ланг, обемот на намалувањата сè уште не е целосно јасен. мс/ми/

фото: Архива