Крива Паланка, 19 декември 2025 (МИА) - Вкупно 33 роднокрајни автори од Крива Паланка и околината се застапени во првата публикувана антологија на кривопаланечки автори насловена „Паланечка дума“ што синоќа беше промовирана во библиотеката „Кочо Рацин“ при Националната установа Центар за култура Крива Паланка.

-Овој труд не е само сведоштво за индивидуалното творештво на нашите сограѓани, туку и доказ за колективниот дух и богатата културна традиција што ја негува и изразува нашата заедница. НУ Центар за култура Крива Паланка има мисија да го зачува, валоризира и промовира сето она што претставува богато духовно и културно богатство на локално ниво. Но уште поважно има за задача да биде поттик и поддршка на авторите кои со својата посветеност и креативност оставаат траги на времето, рече Сашко Додевски, директор на НУ Центар за култура.

Алманахот, дополни, треба да послужи како инспирација за идните творци, како и да биде доказ дека Крива Паланка е место на таленти, идеи и визии.

На настанот, кој е дел од годишната програма на установата, а е финансиски поддржан од Општина Крива Паланка, сите присутни автори застапени во книгата прочитаа стихови или извадоци од книгата.ар/
Фото:МИА