Белград, 18 март 2026 (МИА) -  Началникот на Генералштабот на војската на Србија, генерал Милан Мојсиловиќ, денеска во Краљево изјави дека во наредниот период ќе продолжи набавката на современо оружје и воена опрема. За време на посета на армиска единица додаде дека продолжуваат активностите насочени кон подобрување на условите за живот и работа на припадниците на вооружените сили на Србија.

Мојсиловиќ „доби непосреден увид во состојбата, можностите на единицата, организацијата на животот и работата и степенот на реализација на клучните задачи во првиот квартал од оваа година“, соопшти Министерството за одбрана.

Потоа ги обиколи реконструираните објекти каде што ќе бидат сместени регрути по враќањето на одлука за воена служба.
Пред два дена тој нагласи дека поради новото оружје што го набави Белград од Кина, вклучително и ракетите, никој во регионот нема причина да биде нервозен.

„Суперсонични ракети се беа купени за Загреб, Сараево или Подгорица, туку се купени за сите оние кои не мислат добро на Србија и веруваат дека можат да ги наметнат своите национални интереси со вооружени средства“.

Официјален Белград на 12 март потврди дека Србија купила суперсонични балистички ракети CM-400 од Кина, со голема разорна моќ. По Пакистан, Србија е првата земја на која Кина и испорача такви ракети. зш/ссм/

фото: Војска на Србија/Сајт