Неапол, 7 април 2026 (МИА) – Тренерот на Наполи, Антонио Конте, ги искажа своите впечатоци по триумфот од 1:0 над Милан во домашниот натпревар од 31. коло од италијанското првенство.

- Оваа победа ни дава огромен ентузијазам и самодоверба, бидејќи никогаш не смееме да заборавиме. ако сме на второто место, тоа е благодарение на момците кои ги покрија сите наши повреди оваа сезона. Извонредно е што тимот остана на врвот и покрај овие порази. Секој друг тим ќе се распаднеше и ќе го изгубеше борбениот дух. Мислам на Елмас, кој влезе во игра во финишот. Тој беше клучен играч кога многу наши фудбалери беа повредени. Тука се и Мацоки, Бекема. Тоа се главните херои на сезоната. Колку повеќе играчи се опоравуваат, толку повеќе опции имаме и толку повеќе можеме да ротираме за да ги одржиме сите во форма.
Утрово, докторот ме пречека со „прекрасната“ вест дека Хејлунда има треска и повраќа, па морав да ги сменам моите планови. Џоване реагираше добро. Сега мора да продолжиме бидејќи остануваат уште седум кола, а направивме важен чекор кон Лигата на шампионите, што е нашата цел, изјави Конте за „DAZN“.

Наполи, со 65 бода по 31 натпревар, е втор на табелата во Серија А. Лидер е Интер со 72. зс/

Фото: ЕПА