Скопје, 9 февруари 2026 (МИА) - Новите предлози за закон за високо образование и за обезбедување квалитет во високото образование и науката се објавени на владиниот ЕНЕР-систем и се достапни за забелешки и сугестии од пошироката јавност, потсетува Министерството за образование и наука. 

Исто така, коментари за подобрување на содржината на предложените законски решенија може да се доставуваат и на електронските адреси komentarizvo@mon.gov.mk за новиот закон за високото образование и komentarizkvon@mon.gov.mk за законот за обезбедување квалитет во високото образование и науката.

-Грижата за образованието е заедничка општествена одговорност. Ги охрабруваме сите засегнати и заинтересирани субјекти да дадат свој придонес во усвојувањето на најдобрите законски решенија кои ќе бидат основа за понатамошен развој на образовниот систем и на научноистражувачката дејност во Македонија, соопшти МОН. хс/лв/

Фото: МИА архива