Москва, 31 декември 2025 (МИА) - Рускиот претседател Владимир Путин постави цел да продолжи со проширувањето на безбедносната зона во 2026 година за да се обезбеди мирен живот на жителите на Белгородскиот и Курскиот регион, изјави началникот на Генералштабот на руските вооружени сили Валериј Герасимов.

Како што е објавено, Герасимов го провери и напредокот на борбените мисии што ги извршија единиците и воените единици на групата „Север“.

„За време на Специјалната воена операција во декември оваа година, руската армија ослободи повеќе од 700 квадратни километри територија“, рече Герасимов.

Тој, исто така, оцени дека руската армија постигнала највисока стапка на напредување во декември оваа година.

„Групата „Север“ презеде контрола врз приближно 950 квадратни километри во Сумскиот и Харковскиот регион, ослободувајќи 32 населени места“, нагласи Герасимов.

Началникот на Генералштабот на руските вооружени сили прецизираше дека 14 ослободени населби се наоѓаат во Харковскиот регион, а 18 во Сумискиот регион. мс/

фото: Архива