Лондон, 12 јануари 2026 (МИА) – Тренерот на Арсенал, Микел Артета, го пофали напаѓачот Габриел Мартинели, кој вчера постигна хет-трик во натпреварот од третото коло на ФА Купот против Портсмут (4:1).

- Тој е лик кој зборува за себе на теренот. За да играте за голем клуб, ви треба силен карактер. Можеш да пропуштиш шанса или да направиш грешка што те чини натпреварот, а потоа три дена подоцна имаш уште еден натпревар, па мора да се кренеш и да се докажеш.

Денес постигна три гола, а утре ќе даде сè од себе на тренинг, тоа е сигурно. Нема да се промени, таков е, Габи. Тоа е дел од фудбалот и сè зависи од тоа како му пристапуваш, рече шпанскиот тренер на прес-конференција по натпреварот. 

Во натпреварот од 21. коло од англиската Премиер лига против Ливерпул (0-0), Мартинели го турна повредениот Конор Бредли од теренот и предизвика физичка пресметка.

Во сезоната 2025/26, Мартинели постигна девет гола и имаше една асистенција на 24 натпревари во сите натпреварувања. зс/

Фото: ЕПА