Ankara, 12 mars 2026 (MIA) - Shefi i diplomacisë gjermane Johan Vadeful, sot deklaroi se çështjet e sigurisë në Ngushticën e Hormuzit, e cila është strategjikisht e rëndësishme, mund të zgjidhen vetëm me mjete diplomatike.

"Një zgjidhje e sigurt dhe e qëndrueshme mund të arrihet vetëm përmes kanaleve diplomatike dhe kjo është arsyeja pse besoj se duhet të bashkojmë interesat tona të përbashkëta në rajonin e Gjirit Persik, por edhe këtu në fqinjësi”, tha ai gjatë një vizite në Turqi, transmetuan mediat britanike.

Në një konferencë për shtyp me homologun e tij turk Hakan Fidan, ai tha se forcat e përbashkëta duhet të gjejnë një rrugëdalje nga lufta dhe në të njëjtën kohë të zhvillojnë një ide fillestare se si mund të duket arkitektura e sigurisë së ardhshme e rajonit.

Më 28 shkurt, SHBA-ja dhe Izraeli nisën sulme të përbashkëta ndaj Iranit, duke vrarë më shumë se 1.300 persona, ndërsa Teherani u përgjigj me sulme me dronë dhe raketa ndaj Izraelit dhe disa vendeve të Gjirit.

Përgjigja e Iranit ndaj sulmeve amerikane-izraelite përfshinte sulme ndaj anijeve në Ngushticën e Hormuzit, të cilat pothuajse ndaluan transportin detar të huaj përmes këtij kalimi kyç për pjesën më të madhe të eksporteve të naftës në Lindjen e Mesme dhe i detyruan prodhuesit në rajon të ulnin prodhimin. rq/

Foto: EPA