Berlin, 25 shkurt 2026 (MIA) – Kreu i diplomacisë gjermane, Johan Vadeful, deklaroi sot se në negociatat me SHBA-në, Irani duhet të zotohet se nuk do të mbështesë grupet e armatosura proksi – Hamasin në Gazë, Hezbollah-un në Liban dhe Huthët në Jemen.

Duke folur në një konferencë për shtyp me homologun e tij belg Maksim Prevo, ai shtoi se Gjermania ka një "përgjegjësi të veçantë për sigurinë e Shtetit të Izraelit", transmetojnë mediat britanike.

Politika gjermane ndaj Izraelit bazohet në parimin e "arsyes shtetërore", sipas të cilit siguria e Izraelit është pjesë e përgjegjësisë historike dhe politike të Gjermanisë pas Holokaustit.

Ky qëndrim, i artikuluar fuqishëm nga ish-kancelarja Angela Merkel, nënkupton mbështetje politike, diplomatike dhe të sigurisë për Izraelin.

Në të njëjtën kohë, Berlini mbështet zyrtarisht zgjidhjen me dy shtete dhe bën thirrje për respektimin e së drejtës ndërkombëtare. ls/

Foto: Arkivi i MIA-s