Bejrut, 12 mars 2026 (MIA) - Të paktën shtatë persona humbën jetën në një sulm izraelit ndaj Bejrutit në mëngjes, vetëm disa orë pas sulmit në qendrën e kryeqytetit libanez, duke i'u referuar Ministrisë libaneze të Shëndetësisë.

"Sulmi izraelit armiqësor ndaj (plazhit) Ramlet al-Bajda në Bejrut rezultoi me shtatë raste të vdekjes dhe 21 persona të lënduar", thuhet në kumtesën e Ministrisë, duke u kthyer në plazhin publik ku personat e zhvendosur flejnë nën qiell të hapur nga fillimi i konfliktit të ripërtërirë mes Izraelit dhe lëvizjes shiite proiraniane Hezbollah.

Mediat lokale transmetuan pamje që tregonin kaos dhe tym përgjatë bregdetit pas sulmit.

Ishte sulmi i tretë në zemër të Bejrutit që nga fillimi i luftës në Lindjen e Mesme, e cila filloi me sulmet amerikane dhe izraelite ndaj Iranit më 28 shkurt.

Këtë mëngjes, Hezbollahu njoftoi se kishte qëlluar dhjetëra raketa në Izraelin verior. Objektivi i sulmit ishte një bazë e inteligjencës ushtarake izraelite në periferi të Tel Avivit.

Në një deklaratë, Hezbollahu tha se "shënjestroi bazën në Glilot (selia e Njësisë 8200, pjesë e shërbimit të inteligjencës ushtarake izraelite "Aman") në periferi të Tel Avivit me një seri raketash të gjeneratës së fundit".

Pak më parë, Korpusi i Gardës Revolucionare Islamike (IRGC) njoftoi se Irani kishte kryer një operacion ajror "të përbashkët dhe të integruar" me aleatin e tij Hezbollahun që synonte Izraelin. Ky është sulmi i parë i koordinuar që nga fillimi i luftës.

Më herët sot, televizioni izraelit Kanal 12 dhe edicioni onlajn i gazetës "Tajms of Izrael" raportuan se Hezbollahu kishte qëlluar rreth 100 raketa. "Tajms of Izrael" e përshkroi sulmin si "sulmin më të madh të Hezbollahut ndaj Izraelit" që nga fillimi i këtij muaji, kur lëvizja shiite libaneze rifilloi sulmin me raketa ndaj Izraelit pas një qetësie të gjatë në luftime. sa/

foto: EPA arkivi