Shkup, 26 mars 2026 (MIA)- Ministri i Bujqësisë, Pylltarisë dhe Ekonomisë së Ujërave, Cvetan Tripunovski, sot në Kuvend iu përgjigj pyetjes së deputetes Sanja Lukarevska, duke u ndalur te masat aktuale në sektorin bujqësor, me theks të veçantë në prodhimin e orizit.

Në fjalimin e tij, ministri theksoi se protestat e organizuara nga opozita janë një përpjekje për manipulim politik, duke vënë në dukje se ata që sot kritikojnë, në të kaluarën kanë lënë probleme serioze në bujqësi. Ai u shpreh se prodhuesit e orizit të shtunën deklaruan se kanë rezerva orizi që datojnë pesë vjet më parë, periudhë kur në pushtet ishte LSDM.

"Në ndryshim nga e kaluara, kur orizi nuk trajtohej si një kulturë strategjike, kjo Qeveri ka ndërmarrë hapa konkretë. Orizi është përcaktuar si kulturë me interes kombëtar dhe është siguruar blerja për nevojat e rezervave shtetërore“, theksoi ai.

Ministri informoi se në vitin 2024 është zbatuar masa për kofinancimin e blerjes së kombajnave dhe tharëseve për oriz, me një mbështetje totale mbi 35 milion denarë, me 57 aplikantë të gjithë të aprovuara.

"Në vitin e prodhimit 2025, në largimin tuaj, në mënyrë jo të përgjegjshme dhe të padrejtë, keni zbrazur digën Kalimanci, duke krijuar një vit të vështirë prodhimi. Me menaxhim të kujdesshëm dhe të gjitha përpjekjet e Qeverisë dhe Ministrisë, duke rikuperuar gjendjen katastrofale në sistemet e ujitjes, kemi arritur të furnizojmë çdo sipërfaqe bujqësore me sasi të mjaftueshme uji dhe të mbjellim këtë kulturë të rëndësishme“, sqaroi ministri Tripunovski.

Qeveria ka realizuar blerjen e 2.400 tonëve orizi për rezervat shtetërore, si dhe një masë shtesë prej 6 denarë për kilogram orizi të dorëzuar, për të cilën janë shpenzuar mbi 90 milion denarë.

"Sa i përket naftës së gjelbër, unë isha një nga kritikët sepse u shpërnda për parkimin e traktorëve, jo për përpunim, pra nuk sillte vlerë të shtuar dhe kompensim të kostove në prodhimin bujqësor. Masa u rrit vitin e kaluar për 100%, dhe tani fermerët marrin sasi të konsiderueshme nafte, që përbën një input serioz për lehtësimin e kostove të prodhimit“, theksoi ai.

Ministri hodhi poshtë pretendimet se subvencionet janë reduktuar, duke potencuar se programet vjetore zakonisht arrijnë rreth 100 milion euro.

"Në vitin 2024 me marrjen e pushtetit trashëguam një boshllëk financiar serioz në këtë sektor. Me ribilancin në 2024 dhe ridestinimin e fondeve në dhjetor, u siguruan 40 milion euro shtesë për detyrimet e prapambetura ndaj fermerëve vendas“, shtoi Tripunovski.

Ai gjithashtu informoi se nga Programi për vitin 2026 janë paguar mbi 30 milion euro subvencione.

"Ne po sanjojmë gjendjen e trashëguar. Ne jemi partnerë të vërtetë të fermerëve. Shikoni dhe mësoni si udhëhiqen politikat bujqësore, dhe këtë e dëshmojnë të dhënat e ESHS-së“, përfundoi ministri.