Shkup, 31 mars 2026 (MIA) - Me marrjen në pyetje të dëshmitarëve të propozuar nga mbrojtja, sot, në Gjykatën Themelore Penale në Shkup vazhdon gjykimi kundër tre nënpunësve policorë të akuzuar nga Koçani për veprimet e tyre gjatë kontrolleve të lidhura me diskotekën "Puls".  

Në fillim të gjykimit, tre të akuzuarit deklaruan para Gjykatës se nuk ndihen fajtorë për akuzat që rrjedhin nga veprimet e tyre gjatë kontrolleve që lidhen me diskoteken "Puls" në Koçan, ku më 16 mars të vitit të kaluar, humbën jetën 63 persona në një zjarr, ndërsa mbi 200 të tjerë u lënduan.

Gjykimin e udhëheq gjykatësja Lidija Petrovska, ndërsa akuzën e përfaqëson prokurorja publike Spasenka Andonova.

Dëshmitari i parë që u pyet sot ishte Erhan Haxhimita, i punësuar si nënpunës policor në SP të Koçanit, i cili para gjykatës tha se ka marrë pjesë në kontrolle policore dy herë gjatë vitit 2023 në diskotekën "Puls", prej të cilëve herën e parë në prill, ndërsa herën e dytë në dhjetor.

Ai mori pjesë në kontrollet me përgjegjësin Goran Lazarov, gjatë të cilave gjeti dy të mitur në objekt, letërnjoftimet e të cilëve, tha ai, ia mori dhe ia dorëzoi përgjegjësit Lazarov. Dëshmitari tha se pronari Dejan Jovanov Deki filloi të reagonte ndaj kësaj.

"Tha "bëj çfarë të duash", sepse më herët me të kemi pasur një duel në objektin për të mitur. Prandaj dolëm jashtë, ai nuk donte të bashkëpunonte me ne. Unë qëndrova me të miturit që ata të mund të telefononin prindërit e tyre, ndërsa personi përgjegjës përgatiti një raport", tha dëshmitari.

Dëshmitari theksoi se kishte gjetur më parë të mitur në diskotekë në prill të vitit 2023, dhe gjithashtu, pronari nuk kishte bashkëpunuar.

Në pyetjen e prokurorit publik, dëshmitari tha se pasi mori letërnjoftimet, shkoi te personi përgjegjës i ndërrimit, i cili ishte në sportelin e biletave së bashku me pronarin e objektit dhe djalin e tij.

I pyetur nëse pronarit të diskotekës i ishin kërkuar dokumente, dëshmitari tha se personi përgjegjës i kishte kërkuar, por pronari nuk bashkëpunonte dhe ishte shpërfillës ndaj tyre.

I pyetur nëse kjo ishte shënuar në procesverbal, dëshmitari tha se ai nuk e kishte plotësuar procesverbalin.

Gjykimi filloi më 3 mars të këtij viti me leximin e aktakuzës nga ana e prokurores Ivana Trajçeva nga Prokuroria Themelore Publike për Ndjekjen e Krimit të Organizuar dhe Korrupsionit (PTHP NKOK), mandati i së cilës përfundoi javën e kaluar dhe nuk u rizgjodh.

Të pandehurit akuzohen se gjatë kryerjes së kontrolleve të aksioneve në objektin hotelerik "Puls" për mosveprim në përputhje me rregullat e përcaktuara në planet aneks për aksionin e kontrolleve dhe për shënjimin në procesverbal të një personi ligjor dhe përgjegjës joaktiv, i cili, siç shpjegoi prokurorja, nuk ishte aktiv në klub në momentin e kontrollit.

Sipas aktakuzës, në periudhën nga 7 tetori 2023 deri më 7 shkurt të vitit 2024, të akuzuarit Kire Bogatinov dhe Goran Lazarov, si persona zyrtarë, nuk i kanë kryer detyrat e tyre zyrtare, gjegjësisht nuk kanë vepruar plotësisht në përputhje me planet aneks për kontrollin e veprimit të 5 tetorit dhe 24 nëntorit të vitit 2023 gjatë përgatitjes së procesverbaleve për kontrollet e kryera.

Në procesverbal janë konstatuar shkelje të rendit dhe qetësisë publike, por janë futur të dhëna të pasakta për personin juridik kabare "Puls" në Koçan.

Sipas aktakuzës, i akuzuari i tretë Aleksandar Temelkov, me rastin e miratimit të kërkesave për fillimin e procedurës kundërvajtëse më 1 dhe 7 shkurt të vitit 2024, nuk e ka kontrolluar të gjithë dokumentacionin e bashkangjitur atyre, megjithëse ishte i detyruar ta bënte këtë, por i ka nënshkruar dhe i ka dorëzuar në gjykatën në Koçan. Kërkesat janë përgatitur kundër personit juridik joaktiv "Klasik" SHPK Koçan dhe një personi fizik të treguar si përgjegjës në "Puls", megjithëse, sipas aktakuzës, ato nuk ishin subjekte aktive në kohën e zhvillimit të procedurës.

Me veprime të tilla, tre të akuzuarit kanë përfituar përfitime materiale për "MMMM kafe" SHPK Koçan, degë e kabaresë "Puls", si dhe për personin përgjegjës, në një mënyrë të përshkruar saktësisht në aktakuzë. rq/

Foto: MIA