Pekin, 14 maj 2026 (MIA) – Presidenti amerikan, Donald Tramp në pritjen në Pekin ngriti dolli për lidhjet e ngushta dhe historike midis SHBA-së dhe Kinës.

Ai takimet në Pekin i vlerësoi si jashtëzakonisht pozitive dhe produktive dhe falënderoi presidentin kinez, Si Xhinping për nderin e madh dhe ceremoninë madhështore të mikpritjes.

Sipas Trampit, marrëdhënia midis SHBA-së dhe Kinës është "një nga më të rëndësishmet në historinë botërore". Ai theksoi se të dy vendet kanë "shumë punë të përbashkëta", siç janë "puna dinamike", "guximi" dhe "arritjet".

Bota është një vend i veçantë kur jemi të dy të bashkuar dhe bashkë, tha Trampi.

Ai e ftoi presidentin kinez ta vizitojë SHBA-në më 24 shtator.

Më parë, Si tha se Kina dhe SHBA duhet të jenë partnerë, jo rivalë.

"Edhe populli kinez dhe ai amerikan janë njerëz të shkëlqyer. Realizimi i Rilindjes së madhe të kombit kinez dhe rivendosja e madhështisë së Amerikës mund të shkojnë dorë për dore", ka thënë Si.

Ai shtoi se të dy vendet mund të punojnë për të mirën e përbashkët.

Ne mund ta ndihmojmë njëri-tjetrin të ketë sukses dhe të kontribuojmë në mirëqenien e gjithë botës. Dy vendet tona duhet të jenë partnerë, jo rivalë”, theksoi Si.

foto: X