Uashington, 10 mars 2026 (MIA) – Forcat amerikane kanë goditur 10 anije iraniane që tentonin të vendosnin mina detare, informoi presidenti i SHBA-së, Donald Tramp në rrjetet sociale.

“Me kënaqësi informoj se në orët e fundit kemi goditur dhe shkatërruar plotësisht 10 anije joaktive dhe/ose anije për vendosjen e minave dhe do të ketë edhe të tjera”, shkroi ai në "Truth Social".

Trampi gjithashtu ndryshoi deklaratën e tij të mëparshme në lidhje me përpjekjet iraniane për vendosjen e minave në Ngushticën e Hormuzit, duke shtuar dy rreshta, ku premton shkatërrimin e anijeve “me forcë”.

“Përveç kësaj, po përdorim të njëjtën teknologji dhe aftësi raketore të vendosura kundër trafikantëve të drogës për të eliminuar përgjithmonë çdo anije ose varkë që përpiqet të minojë Ngushticën e Hormuzit”, shkroi ai. “Me ta do përballemi shpejt dhe me forcë. Kujdes!”