Shkup, 10 shkurt 2026 (MIA) - Gjendja me sundimin e ligjit, reformat në gjyqësor dhe lufta kundër korrupsionit, reforma në administratën publike si dhe Agjenda e reformave u shqyrtuan sot në një takim të Komitetit për Stabilizim-Asociim me Bashkimin Evropian.

Në takimin e Komitetit theks i veçantë i është vënë kritereve politike dhe Agjendës së reformave.

"Si bashkëkryesuese e Komitetit për Stabilizim-Asociim më lejoni të shpreh kënaqësinë time që pas një pauze prej pesë vitesh, vazhdojmë me takimet e këtij trupi ku konfirmuam angazhimin e Maqedonisë për të vazhduar reformat që lidhen me integrimin evropian dhe avancimin e mëtejshëm për bashkëpunimin me Bashkimin Evropian. Theksuam rëndësinë e dialogut të vazhdueshëm politik, zbatimin e agjendës së reformave dhe përshpejtimin e procesit të harmonizimit me të drejtën e Bashkimit Evropian", tha zëvendësministrja për Çështje Evropiane dhe bashkëkryesuese e Komitetit të Stabilizim-Asociimit midis Bashkimit Evropian dhe Maqedonisë së Veriut, Viktorija Trajkov.

Siç njofton kabineti i Trajkovit, takimi i Komitetit të Stabilizim-Asociimit me BE-në përfundoi me konfirmimin e vazhdimit të punës së rregullt të nënkomiteteve në kuadër të MSA-së dhe përgatitjen e takimit të ardhshëm.

Foto: Ministria për Çështje Evropiane