Shkup, 11 shkurt 2026 (MIA) -  Ministri për dhe zëvendëskryeministri i Parë, Bekim Sali, zhvilloi takim me koordinatoren rezidente të Kombeve të Bashkuara në Maqedoninë e Veriut, Rita Kolumbia.

Kabineti i ministrit për Çështje Evropiane njoftoi se në takim u konfirmua bashkëpunimi afatgjatë dhe i suksesshëm ndërmjet Maqedonisë së Veriut dhe Kombeve të Bashkuara, si një partner i rëndësishëm në mbështetjen e prioriteteve reformuese dhe zhvillimit të qëndrueshëm të vendit. Ministri Sali theksoi përkushtimin e Qeverisë ndaj integrimit evropian si prioritet strategjik, me fokus në sundimin e ligjit, reformën e administratës publike, funksionimin e institucioneve demokratike dhe përmirësimin e shfrytëzimit të fondeve evropiane.

Bashkëbiseduesit vlerësuan se prioritetet e Kornizës së re të bashkëpunimit të OKB-së për periudhën 2026–2030 janë plotësisht të harmonizuara me objektivat reformuese kombëtare dhe procesin e integrimit në Bashkimin Evropian, veçanërisht në fushat e zhvillimit social, ekonomisë së qëndrueshme, tranzicionit të gjelbër dhe qeverisjes së mirë.

Ministri Sali shprehu mirënjohje për mbështetjen e vazhdueshme të Kombeve të Bashkuara, veçanërisht në momente kyçe, dhe theksoi gatishmërinë e Ministrisë për Çështje Evropiane për thellimin e mëtejshëm të bashkëpunimit dhe koordinimit të ndihmës zhvillimore.mb/

Foto: Kabineti i ministrit për Çështje Evropiane