Bejrut, 21 shkurt 2026 (MIA) - Të paktën 10 persona janë vranë dhe 50 të tjerë janë plagosur në një sulm izraelit në Luginën Beka në Liban.

Forcat Mbrojtëse të Izraelit (IDF) njoftuan se kishin sulmuar qendrat e komandës së Hezbollahut në zonën Baalbek, pjesë e Luginës Beka. Hezbollahu ende nuk ka komentuar për incidentin.

Sipas burimeve izraelite, midis të vdekurve është edhe një zyrtar i lartë i Hezbollahut.

Sulmi është ndër më vdekjeprurësit e regjistruar në Libanin lindor në javët e fundit dhe rrezikon të prishë armëpushimin e brishtë midis Izraelit dhe Hezbollahut, të nënshkruar në fund të nëntorit 2024, zbatimi i të cilit ka qenë në pikëpyetje, pasi të dyja palët akuzojnë njëra-tjetrën për shkeljen e tij.

Në fund të nëntorit 2024, Izraeli dhe Hezbollahu njoftuan një armëpushim të ndërmjetësuar nga SHBA-ja për t'i dhënë fund më shumë se një viti luftimesh ndërkufitare. Që atëherë, të dyja palët kanë shkëmbyer akuza për shkelje të armëpushimit. mb/

Foto: MIA