Situata me Rashçen është e qëndrueshme, po hetohen tri pozita në Shkup, të cilat do të ishin alternativë
Shkup, 7 prill 2026 (MIA) – Kanë filluar hetime të tri vendeve të reja në Shkup, të cilat do të ishin alternativë për burimin Rashçe, ndërsa Qeveria, në bashkëpunim me Komunën Jegunovc dhe Qytetin e Shkupit, punon në mënjanimin e problemit me deponinë e jashtëligjshme, e cila gjendet mbi burimin, theksoi sot kryetari i Shkupit, Orce Gjorgjievski, në mbledhjen e Këshillit kushtuar në pyetjeve të deputetëve.
”Lidhur me burimin Rashçe, dua të theksoj se janë nisur hetime në tre vende të reja në qytetin e Shkupit, që do të thotë alternativë për burimin Rashçe. Këto janë operacione më të gjera që do të zhvillohen në periudhën e ardhshme, por ato janë strategjikisht të rëndësishme për furnizimin me ujë të qytetit. Është e papranueshme që nuk është gjetur alternativë në 30-40 vitet e fundit. Për momentin, nuk ka rrezik për Rashçen, situata është e qëndrueshme, ndërsa niveli i ujit është më i lartë se në 25 vitet e fundit”, tha kryetari i komunës, duke u përgjigjur në pyetjen nga këshilltari Goran Arsov nga LSDM dhe koalicioni në lidhje me furnizimin me ujë dhe nëse po punohet për të gjetur zgjidhje për burime të reja uji, veçanërisht në periudhën e verës.
Në lidhje me Jegunovcin, theksoi se Qeveria me Komunën punon në lidhje me mënjanimin e problemit me deponinë e jashtëligjshme.
“Aty do të duhet të veprohet me shumë kujdes. Mjedisi jetësor është në qendër të gjithë procesit, ndërsa ne si Qytet i Shkupit përfshihemi përmes shërbimeve tona dhe besoj se ai problem do të zgjidhet në perspektivë”, tha Gjorgjievski.
Problemi me deponinë në ish “Jugokromin” në Jegunovc përsëri u kthye në publik pasi profesori Zllatko Ilioski paralajmëroi se aty ka gati 7.000 tonë krom gjashtëvalent dhe se lokacioni duhet të trajtohet si mbeturinë e rrezikshme.
Në pyetjen e Arsovit për atë kur herën e fundit është kryer deratizim dhe si është gjendja me minjtë në Shkup, Gjorgjievski tha se ai është detyrim i komunave, tashmë dërguan shkresë te pjesa më e madhe e komunave të Shkupit, shumica kanë vepruar, ndërsa sipas njoftimeve të cilat i kanë marrë, të tjerët do të veprojnë në të ardhmen e afërt. fc/
Foto: MIA
