Shkup, 11 shkurt 2026 (MIA) - Presidentja Gordana Siljanovska-Davkova, në Ditën Ndërkombëtare të Grave dhe Vajzave në Shkencë, priti përfaqësueset e "Gratë në teknologji - Maqedoni" (Women in Tech-Macedonia), një organizatë që është pjesë e iniciativës globale Women in Tech, e cila, siç informojnë, inkurajon përfshirjen, diversitetin dhe barazinë e grave në profesionet STEM (shkencë, teknologji, inxhinieri dhe matematikë).

Në takim, siç informojnë nga Kabineti i Siljanovska-Davkovës, ata e informuan Presidenten se aktivitetet e tyre synojnë kryesisht edukimin e vajzave të papuna të cilat ende kanë një dilemë në lidhje me zgjedhjen e profesionit në jetë. Qëllimet e tyre, komuniteti i Women in Tech i arrin përmes trajnimeve, mentorimeve dhe konferencave, me qëllim uljen e pabarazisë gjinore në profesionet STEM.

"Duke i përgëzuar për çmimin special -  IMPACT Award, të cilin e morën në Samitin global të Women in Tech Summit vitin e kaluar në Osaka të Japonisë, Presidentja theksoi se ky është një konfirmim i konkurrencës, suksesit dhe përkushtimit të tyre ndërkombëtar. Ajo beson se çdo grua ka energji të pashtershme dhe njohuri të pashfrytëzuara, përdorimi i të cilave mund të kapërcejë edhe sfidat më komplekse", thuhet në kumtesën e Kabinetit të Siljanovska-Davkova. 

Siljanovska-Davkova shprehu hapur admirimin e saj për inteligjencën dhe kreativitetin e bashkëbiseduesve të saj, dhe veçanërisht për gatishmërinë e tyre për të ndihmuar më të prekshmit midis nesh. Presidentja, thuhet në kumtesën, shprehu gatishmërinë e saj për të mbështetur fushatën e Women in Tech për përfshirjen e grave dhe vajzave në shkencë.

Bashkëbisedueset, theksohet në kumtesën, besojnë thellësisht në vizionin dhe misionin femëror të bartësve të vërtetë të ndryshimeve themelore që do të lënë gjurmë në teknologji. ls/

Foto: Kabinet i Presidentes

Фото: Кабинет на Претседател