Tiranë, 25 shkurt 2026 (MIA) - Shefi i Shtatmadhorisë së forcave të armatosura të Shqipërisë, gjeneral-nënkoloneli Arben Kingji, sot deklaroi se ka do të ketë rritje të forcave shqiptare në misionin paqeruajtës të KFOR-it në Kosovë. 

"Pjesëmarrja e re do të përfshijë një komponent aviacioni, duke përfshirë një helikopter "Kugar" me një pilot dhe një ekuipazh teknik, si dhe elementë të mbështetjes operacionale. Pjesëmarrja në KFOR ka për qëllim të forcojë praninë dhe kontributin e Shqipërisë në stabilitetin dhe sigurinë në rajonin e Ballkanit", tha Kingji. 

Shqipëria për momentin ka një kontingjent relativisht të vogël ushtarësh në misionin e KFOR-it në Kosovë, një mesatare prej 30 për mision gjashtëmujor, të cilët janë të përqendruar në mbështetje, aktivitete të selisë qendrore dhe njësi speciale.

Kontingjenti i parë i Forcave të armatosura Shqiptare iu bashkua misionit ndërkombëtar të NATO-s, me emrin e koduar "KFOR 1" në Pejë, Kosovë për herë të parë më 25 shkurt të vitit 2022.

Kingji konfirmoi se vendi i tij, si themelues i Këshillit të Paqes, të formuar me iniciativën e presidentit amerikan, Donald Tramp, do të jetë midis pesë vendeve që do të dërgojnë trupa si pjesë e forcës stabilizuese për Gazën, të udhëhequr nga një vend aleat, por nuk specifikoi se cili do të jetë numri.

Ai u ndal gjithashtu te marrëveshja trepalëshe me Kosovën dhe Kroacinë, duke vlerësuar se bashkëpunimi forcon stabilitetin dhe sigurinë rajonale dhe se vendet e tjera në rajon ftohen të bashkohen, drejt këtij qëllimi. rq/

Foto: printksrin