Kiev, 5 shkurt 2026 (MIA) - Shtetet e Bashkuara të Amerikës dhe Rusia kanë rënë dakord të vazhdojnë dialogun ushtarak të nivelit të lartë pas një takimi midis personelit ushtarak rus dhe amerikan në Abu Dhabi, njoftoi Komandanta Supreme e Forcave të NATO-s për Evropën.

Marrëveshja u arrit pas takimeve në Abu Dhabi midis gjeneralit Aleksis Grinkeviç, Komandant Suprem i Forcave Aleate për Evropën, dhe personelit të lartë ushtarak rus dhe ukrainas, theksohet në komunikatën e Komandës Supreme të Forcave të NATO-s për Evropën.

 Grinkeviç mbërriti në kryeqytetin e Emirateve të Bashkuara Arabe për bisedime midis përfaqësuesve të ShBA-së, Rusisë dhe Ukrainës për përfundimin e luftës në Ukrainë.

 "Kanali i komunikimit do të sigurojë kontakt të vazhdueshëm ushtarak ndërsa palët vazhdojnë të punojnë drejt arritjes së një paqeje të qëndrueshme", theksohet në komunikatën e Komandës Supreme.

 Komunikimi ushtarak midis Shteteve të Bashkuara të Amerikës dhe Rusisë u ndërpre në vitin 2021, pak para luftës së Rusisë kundër Ukrainës, kujtojnë agjencitë botërore.

 Foto: Arkivi i MIA-s