Shkup, 31 mars 2026 (MIA) - Prokurori publik i Republikës së Maqedonisë së Veriut, Nenad Saveski, sot është takuar me ambasadorin e Bashkimit Evropian në vend, Mihalis Rokas, me të cilin kanë diskutuar për prioritetet e bashkëpunimit dhe mbështetjen evropiane për institucionin.

"Takimi është dëshmi e bashkëpunimit të deritanishëm, por edhe një nxitje e fortë për projekte të përbashkëta në të ardhmen", theksoi Saveski.

Ambasadori Rokas e uroi atë për zgjedhjen e tij në një nga pozicionet më të larta në gjyqësor dhe i uroi punë të suksesshme.

Në bisedime, siç raportojnë nga Prokuroria Publike, ata janë përqendruar në prioritetet lidhur me luftën kundër korrupsionit dhe rivendosjes thelbësore të besimit të qytetarëve në funksionimin e sistemit gjyqësor.

Saveski dhe Rokas kanë rënë dakord për nevojën e një buxheti të qëndrueshëm për të forcuar kapacitetet e Prokurorisë Publike. Ambasadori Rokas shprehu mbështetje për pavarësinë dhe forcimin e transparencës së prokurorisë.

Prokurori Publik i Shtetit shfrytëzoi rastin për të shprehur mirënjohjen e tij për mbështetjen e vazhdueshme nga BE-ja për Prokurorinë Publike, por edhe për sundimin e ligjit në vendin tonë në përgjithësi. mb/

Foto: PTHP