Salmon me "teriyaki" është një pjatë e thjeshtë por e shijshme që kombinon salmonin me një salcë të pasur, të ëmbël dhe të kripur teriyaki. Është ideale për një drekë të shpejtë ose darkë të lehtë por mbresëlënëse.

Përbërësit (për 1 person):

200 gram salmon i freskët

Për marinim:

1 lugë vaj susami

1 lugë sheqer ngjyrë kafe

2 lugë salcë soje

1 lugë uthull orizi

1 thelb hudhër (i grirë)

1 lugë xhenxhefil i grirë

Për dekorim:

fara susami të pjekura

qepë të njoma

Përgatitja:

Përzieni të gjithë përbërësit për marinim të peshkut dhe vendoseni salmonin në frigorifer për t’u marinuar për rreth 10 minuta. Pas 10 minutash, hiqeni salmonin nga marinimi dhe largoni copat e xhenxhefilit dhe hudhrës. Piqeni salmonin në letër pjekjeje në furrë të parangrohur në 200 °C për rreth 10 minuta. Ndërkohë, pjesën e mbetur të përzierjes për marinim  zijeni në zjarr të ulët për 1-2 minuta derisa të trashet pak. Nëse është e nevojshme, shtoni pak më shumë salcë soje, uthull orizi dhe sheqer kafe. Kur salmoni të jetë gati, hidhni salcën e përgatitur sipër dhe shtoni fara susami të pjekura dhe qepë të njoma të grira imët.

Foto: Freepik