Shkup, 9 shkurt 2026 (MIA)- Përmes sistemit "Qytet i sigurt" brenda një jave janë regjistruar 4.991 shkelje të rregullave të trafikut, informoi sot Ministria e Punëve të Brendshme.

"Në periudhën nga 2 deri në 8 shkurt, nga sistemi "Qyteti i sigurt" në zonat e qyteteve dhe korridoreve ku janë vendosur kamerat, u regjistruan gjithsej 4.991 kundërvajtje, nga të cilat 641 masa për kundërvajtje të kryera nga shoferë të cilët drejtonin automjetin me targa të huaja. Nga numri i përgjithshëm i kundërvajtjeve të regjistruara, numri më i madh është për drejtimin e automjetit me shpejtësi më të madhe se e lejuara 4.674, më tej për kalim në sinjalin e mbyllur (dritë të kuqe) 163, ndërsa për drejtim të automjetit me skadim vlefshmërie të lejes së qarkullimit janë 154 kundërvajtje", kanë thënë në MPB.
 
Gjithashtu, u shqiptuan gjithsej 288 masa "ndalesë për drejtimin e automjetit", nga të cilat 163 janë për "kalim në dritë të kuqe" dhe 125 janë për "vozitje të shpejtë".

"Në kuadër të parashikimit të devijimit të lejuar në shpejtësinë e lëvizjes, u toleruan 22,434 automjete", thonë nga MPB.

Apelohet deri te të gjithë pjesëmarrësi në trafik që të respektojnë rregullat dhe rregulloret e trafikut dhe të kontribuohet së bashku për rrugë më të sigurta dhe më të mbrojtura.

Foto: Ueb faqja e MPB-së