Moskë, 7 nëntor 2024 (MIA) - Presidenti i Rusisë, Vlladimir Putin ka uruar Donald Trampin për zgjedhjen si president i SHBA-së, bëjnë të ditur mediat ruse.

“Do të doja të shfrytëzojë rastin për të uruar (Trampin) për zgjedhjen në postin e presidentit të SHBA-së”, ka thënë Putini gjatë një fjalimi në një takim të Klubit ndërkombëtar për diskutim "Valdaj".

“Fjalët e presidentit të sapozgjedhur Donald Tramp për krizën ukrainase meritojnë vëmendje”, tha Putini.

“Ajo që u tha nga Trampi mbi dëshirën për të ripërtërirë marrëdhëniet me Rusinë, që të kontribuohet në zgjidhjen e krizës ukrainase më duket se meriton vëmendje”, ka thënë lideri rus.

Klubi ndërkombëtar për diskutim "Valdaj" është shoqatë e ekspertëve kryesorë të huaj dhe rusë në fushën e shkencave politike, ekonomisë, historisë dhe marrëdhënieve ndërkombëtare.

Klubi është krijuar në shtator të vitit 2004 me iniciativë të agjencisë RIA Novosti, Këshillit për politikë të jashtme dhe mbrojtje, revistës "Rusia në çështjet globale" dhe profili i Rusisë.

"Valdaj" është një nga platformat kryesore në botë për ndërveprim midis elitës intelektuale ruse dhe asaj ndërkombëtare.

Foto EPA