Shkup, 8 prill 2026 (MIA) - Enti Shtetëror i Revizionit në bashkëpunim me programin ndërkombëtar OECD-SIGMA, do të mbajë punëtori ndërkombëtare "Revizioni i mjedisit jetësor dhe revizioni i objektivave për zhvillim të qëndrueshëm".

Në hapjen e ngjarjes do të mbajnë fjalim Maksim Acevski, kryerevizor shtetëror i Maqedonisë së Veriut dhe Bjanka Breteshe, zëvendësdrejtoreshë e programit OECD-SIGMA.

Siç njoftuan organizatorët, ngjarja do të bashkojë udhëheqësit dhe ekspertët e institucioneve supreme të revizionit nga Sllovenia, Serbia, Mali i Zi, Kosova, Bosnja e Hercegovina, Shqipëria dhe Ukraina.

Në kuadër të diskutimeve do të prezantohen përvojat më të reja ndërkombëtare në ballafaqimin me sfidat ekologjike, si dhe standardin e parë global për raportim për ndryshimet klimatike në sektorin publik, të lëshuar në janar 2026.

"Gjatë sfidave ekologjike kanë ndikim të drejtpërdrejtë mbi ekonominë dhe cilësinë e jetës, nga vlera thelbësore është roli i institucioneve supreme revizore në sigurimin e transparencës dhe llogaridhënies gjatë zbatimit të politikave publike për zhvillim të qëndrueshëm", qëndron në kumtesën e Entit Shtetëror të Revizionit. sa/

Foto: MIA arkivi