Karakas, 10 shkurt 2025 (MIA) - Prokurori kryesor i Venezuelës sot njoftoi se prokuroria e tij ka kërkuar arrestimin e Huan Pablo Guanipas, një nga aleatët më të afërt të lideres së opozitës Maria Korina Maçado, më pak se 12 orë pasi ishte liruar nga paraburgimi. 

Në njoftimin e prokurorit shtetëror nuk është përcaktuar nëse Huan Pablo Guanipa është arrestuar përsëri, as se ku ndodhet aktualisht. Qeveria dje e liroi së bashku me disa anëtarë të tjerë të shquar të opozitës, pas disa muajsh paraburgimi që dyshohet se ishte i motivuar politikisht.

Zyra e prokurorit shtetëror Tarek Uilijam Sab njoftoi se rrjetet sociale "kanë kërkuar nga gjykata kompetente të heqë masën parandaluese të dhënë për Huan Pablo Guanipan, për shkak të mosrespektimit të kushteve përcaktuara nga gjykata e lartpërmendur". 

Nuk specifikohet se cilat kushte Guanipa, ish guvernatori opozitar, pretendohet se i ka shkelur gjatë orëve të kaluara në liri, por thuhet se autoritetet po kërkojnë që atij t'i caktohet arresti shtëpiak.

Djali i Guanipas, Ramon, deklaroi se një grup burrash në tre automjete e kapën babanë e tij dhe disa persona në një lagje në kryeqytetin Karakas. Ata ishin të armatosur dhe mbanin veshje civile dhe jelek antiplumb.

Ramon Guanipa deklaroi se autoritetet ende nuk e kanë informuar për atë se ku ndodhet babai i tij, as për vendimin për t'i caktuar arrest shtëpiak. Ai tha se babai i tij nuk i kishte shkelur dy kushtet e lirimit - detyrimin për t'u paraqitur në gjykatë një herë në muaj dhe ndalimin e udhëtimit jashtë Venezuelës. Para gazetarëve e tregoi një dokument gjyqësor që rendit këto kushte. qa/

Foto: EPA