Tiranë, 17 shkurt 2026 (MIA) - Presidenti i Shqipërisë, Bajram Begaj dhe kryeministri i Kosovës, Albin Kurti janë takuar sot në Prishtinë, ku diskutuan marrëdhëniet dypalëshe midis dy vendeve, sfidat e përbashkëta dhe konfirmuan gatishmërinë e tyre për të punuar për zhvillimin e mëtejshëm të tyre, raportoi ATSH, duke iu referuar një komunikate për mediat nga Kabineti i Begaj.

Sipas njoftimit, gjatë takimit, presidenti Begaj shprehu urimet e tij më të përzemërta për popullin dhe shtetin e Kosovës për 18-vjetorin e shpalljes së Pavarësisë, ndërkaq kryeministrit Kurti i uroi për mandatin e tij të ri dhe i dëshiroi suksese në përmbushjen e aspiratave të popullit të Kosovës për mirëqenie e begati, si dhe të objektivave të qeverisë.

Në njoftim thuhet se Kurti dhe Begaj bashkëbiseduan për marrëdhëniet dypalëshe, zhvillimet në vend dhe në rajon, si dhe për rezultatet e marrëveshjeve të deritashme ndërqeveritare, teksa ritheksuan vullnetin e dyanshëm për të zgjeruar edhe më shumë sektorët e bashkëpunimit dhe për të thelluar më tej raportin ndërshtetëror.

Kryeministri falënderoi presidentin Begaj për urimet, për vizitën në Kosovë dhe për takimin në Kryeministri, duke u bërë kështu presidenti i parë që e mirëpret në zyrën e tij në këtë mandat të ri. mb/

Foto: Kabineti i Begaj