Me strukturën e saj të butë dhe ëmbëlsinë delikate, panakota është një nga ëmbëlsirat më elegante të kuzhinës mesdhetare. Në këtë variant, butësia e saj plotësohet nga freskia e luleshtrydheve.

Përbërësit:

500 ml ajkë e ëmbël 

80 gram sheqer

1 sheqer vanilje (ose ekstrakt vaniljeje)

10 gram xhelatinë (pluhur ose në gjethe)

200 gram luleshtrydhe të freskëta

2 lugë sheqer (për luleshtrydhet)

1 lugë gjelle lëng limoni

Metoda e përgatitjes:

Zhytni xhelatinën në ujë të ftohtë dhe lëreni të fryhet sipas udhëzimeve. Në një tenxhere, ngrohni ajkën e ëmbël me sheqerin dhe vaniljen, por kini kujdes që të mos vlojë. Hiqeni nga zjarri dhe shtoni xhelatinën e shtrydhur, duke e përzier derisa të tretet plotësisht. Ndani përzierjen në gota ose forma dhe lëreni në frigorifer për të paktën 4 orë, derisa të ngurtësohet. Ndërkohë, përzieni luleshtrydhet me sheqerin dhe lëngun e limonit derisa të përftoni përbërje të lëmuar. Para se ta servirni, hidhni përbërjen e luleshtrydheve mbi panakota dhe dekorojeni me luleshtrydhe të freskëta dhe gjethe menteje nëse dëshironi. Kjo ëmbëlsirë është zgjeidhja perfekte pas një vakti të lehtë, por mbresëlënës.

Foto: Freepik