Париз, 24 ноември 2022 (МИА) - Националното финансиско обвинителство ги истражува врските меѓу претседателот на Републиката, неговото опкружување и консултантската фирма МекКинзи. Условите за доделување на договори за јавна набавка се на нишан на истражните судски органи, јави дописникот на МИА.

Информацијата ја објави париски „Либерасион“, според кој, овие прашања се експлозивни. Односно - како беше финансирана првата победничка трка на Емануел Макрон за Елисејската палата во 2017 година? Дали американската консултантска фирма МекКинзи го напоила подемот на поранешниот министер за економија со тоа што за возврат ќе добие потпишување јавни договори? Овие прашања се во срцето на судската истрага отворена во текот на месец ноември за „фаворизирање“ и „незаконско финансирање на изборната кампања“ од страна на Националното финансиско обвинителство (ПНФ), открива овој четврток весниколт „Паризиан“.

Тројца истражни судии неколку дена ги истражуваа врските меѓу претседателот на Републиката и американската компанија МекКинзи, веќе утврдени во извештајот на истражната комисија на Сенатот, објавен во март, осудувајќи го „растот на влијанието на приватните консултантски куќи врз јавна политика“.

„Единствената сигурност во оваа фаза, постојат врски меѓу шефот на државата, неговата придружба и американската компанија“, забележува „Паризиан“. Ле Монд веќе ги истакна во февруари 2021 година овие проблематични односи и улогите што ги имаа неколку директори на компании на свои имиња за време на кампањата на Емануел Макрон во 2017 година.

Пролетта, извештајот на Сенатот доведе до отворање на првата постапка за „отежнато перење на даночно затајување“ против МекКинзи и претрес на неговото седиште во Париз еден месец подоцна. Сепак, според Паризиен, ПНФ „неодамна решило да ги прошири истрагите за обвинување за фаворитизам“ и „незаконско финансирање на изборната кампања“ по овие дела на истрага.

Сомнежите за фаворизирање на Емануел Макрон во корист на МекКинзи не се нови и редовно се појавуваат на медиумско-политичката сцена по истакнувањето на улогата што ја одигра кабинетот за време на здравствената криза, со мандат заедно со другите да ја советуваат владата за стратегијата за вакцини. Придобивките се проценети во стотици милиони евра.

Иако тој има корист од претседателскиот имунитет и затоа не може да биде сослушан од судовите, шефот на француската држава отсекогаш цврсто ги негираше овие обвинувања, потсетувајќи дека владата подлежи на „правилата за јавни набавки“. Пред да каже минатиот март: „ако има докази за манипулација, нека се оди пред кривичниот суд“.тг/